ქუთაისის „ტორპედომ“ 2026 წლის სეზონში პირველი ტიტული მოიპოვა.
დირკ შუსტერის გუნდმა საქართველოს სუპერთასის ფინალში „იბერია 1999“ პენალტების სერიაში დაამარცხა და აღნიშნული ტიტული კლუბის ისტორიაში მეოთხედ მოიპოვა.
ფინალი დაძაბული გამოდგა. ანგარიში გიორგი არაბიძის გადაცემის შემდეგ კომნენ ანდრიჩმა გახსნა. მოგვიანებით, თავად არაბიძემ გაიტანა და "ტორპედოს" უპირატესობა ორამდე გაზარდა, თუმცა უპირატესობის შენარჩუნება გუნდმა ვერ შეძლო - მატჩის ძირითადი დრო ფრედ, 2:2 დასრულდა, გამარჯვებულის გამოსავლენად კი პენალტების სერია გახდა საჭირო. თერთმეტმეტრიანების ზუსტად შესრულებით „ტორპედომ“ მეტოქეს 6:5 აჯობა და საქართველოს სუპერთასის მფლობელი გახდა.
ფინალამდე "ტორპედომ" ნახევარფინალში „დილა“ ვლადიმერ მამუჩაშვილის ერთადერთი გოლით 1:0 დაამარცხა.
